Ghusl e Janabat Ka Tariqa

Ghusl e Janabat Ka Tariqa:

    Hazrat Ayesha riwayat farmati hain kay jab Hazrat Muhammad(P.B.U.H) ghusl e janabat ka erada farmatai to (Estarhan) shuru kartey kay (Pehley) dono hathoon (Ponchoo tak) dhotai, phir wazoo kartey jis tarhan namaz kay liye wazoo kartey. Phir apni ungliyan pani mein (Tar Karney ka liye) dakhil karkai nikaltey aur ensai apnai balon ki jaroo ko khalal kartey. Phir apnai dono hands kay sath 3 chullu pani apnai sir per daltai iss kay baad apnai tammam badan per pani bahatai. (Muslim, Bukhari)

    Umm ul momineen Hazrat Maimona biyan karti hain kay maina Hazrat Muhammad(P.B.U.H) kay ghusl kay liye pani ka ahtemam kiya. Chunancha (jab ap ghusl farmaney lagey to) aap ney apney dae'in hath sey bae'in hath per pani daal kar donon hathon ko dhoya phir apni sharam gah ko dhoya. Phir aap ney apney hath ko zameen per rakh kar mitti sey ragrra aur phir iss ko dho dala. Iss kay baad kulli kari aur naak mein pani charhaya phir chehrey ko dhoya aur sar per pani dala phir iss jagah sey hutt kar aap ney apney donon paoo'n dhoey. Phir aap ko roomal paesh kya gaya lekin aapney iss sey na poncha. (Muslim, Bukhari)

    Hazrat Ali sey riwayat hai kay Hazrat Muhammad (P.B.U.H) ney farmaya kay jo shakhs ghusl e janabat mein ek baal ki jagah bhi bina dhoey chorey ga usko azab hoga. (Abu Dawood) magar aurton kay liye kuch riayat hai.

    Hazrat Salma sey riwayat hai kay meiney arz ki Hazrat Muhammad(P.B.U.H) mein apney sar ki choti mazbooti sey goondhti hun to kiya ghusl e janabat kay liye iss ko khol dalon. Farmaya nahi. Tujh ko sirf yahi kifayat karta hai kay ser per 3 lab pani daley, phir apney ooper pani baha ley paak ho jaey gi. (Muslim)